ઢાબાં સ્ટાઈલ આલુ પરાઠા કેવીરીતે બનાવવા|How to make Dhaba Style Aloo Paratha gujarati

 

હવે બનાવો ઘેરે જ ધાબા સ્ટાઈલ આલુ પરાઠા બહાર જવાની જરૂર નહીં અમે તમને આલુ પરાઠાની રેસીપી આપવા જઈ રહ્યા છીએ. તો તમારા મિત્ર સાથે શેર જરૂર કરજો 

 

આલુ પરાઠા સામગ્રી:-

 ઘઉનો લોટ- 2 કપ

ચણાનો લોટ – અડધો કપ

મીઠું – સ્વાદ અનુસાર

તેલ- 2 ચમચી

બાફેલા બટાટા – 4 મધ્યમ કદના

હિંગ- અડધી ચમચી

આદું- 2 ચમચી છીણેલું

આખા ધાણાનો ભૂકો- 1 ચમચી

લાલ મરચું પાવડર- 1 ચમચી

જીરું પાવડર- 1 ચમચી

ચિલી ફ્લેક્સ- 1 ચમચી

આમચૂર પાવડર- 1 ચમચી

ગરમ મસાલા પાવડર- અડધી ચમચી

લીલા મરચાં- 2 બારીક સમારેલા

કોથમીર- 2 ચમચી બારીક સમારેલું

મીઠું સ્વાદ પ્રમાણે

તેલ અથવા ઘી- પરાઠા શેકવા માટે

 

ઢાબા સ્ટાઈલ આલુ પરાઠા બનાવવાની રીત:-

 

 ઢાબા સ્ટાઈલ આલુ પરાઠા બનાવવા માટે, સો પ્રથમ કણક કરો. આ માટે એક બાઉલમાં ઘઉનો લોટ, ચણાનો લોટ, મીઠું અને તેલ નાખીને હાથ વડે બરાબર મિક્સ કરી લો. ત્યાર બાદ તેમાં થોડું પાણી ઉમેરીને નરમ લોટ બાંધી લો. કણકને ખૂબ નરમ કે વધુ સખ્ત બાંધવું નહીં.

કણક બાંધી લીધા બાધ તેના પર થોડું તેલ લગાવો અને લોટને 5 મિનિટ સુધી રહેવા દો. ત્યાર બાદ સ્ટફિંગ બનાવો. સ્ટફિંગ બનાવવા માટે એક મિક્સિંગ બાઉલ લો અને તેમાં બધા બાફેલા બટેટા એક પછી એક છીણી વડે છીણી લો.

પછી તેમાં છીણેલું આદું, લીલું મરચું, લાલ મરચું પાવડર, આમચૂર પાવડર, ગરમ મસાલા પાવડર, ચીલી ફ્લેક્સ, હિંગ, આખા ધાણાનો ભૂકો, જીરું પાવડર, સ્વાદ મુજબ મીઠું ઉમેરો અને પછી તેમાં લીલા ધાણા ઉમેરો અને હવે બધું હાથથી સારીરીતે મિક્સ કરો. તમરું સ્ટફિંગ તૈયાર.

હવે પરાઠા બનાવવા માટે કણકમાથી મધ્યમ કદના બોલ તોડી લો. પછી તેમાથી ગુલ્લાં બનાવો, પહેલાં તેને તમારા હાથથી દબાવો અને હવે તેને સૂકા લોટમાં લપેટી લો અને તેને વેલણની મદદથી ગોળ રોટલી વણી લો અને હવે તેના પર થોડું તેલ લગાવો.

તે પછી સ્ટફિંગનો થોડો ભાગ લો અને તેને રોટલીની વચ્ચે મૂકો. હવે રોટલીની કિનારીઓને એકસાથે લાવીને બોલને ચુસ્તપણે બંધ કરો અને પછી તેને તમારા હાથથી દબાવીને થોડો હળવેથી દબાવો, જેથી મસાલો બહાર નીકળી જાય.

હવે તેને વેલણની મદદથી વણી લો. તમારે પરાઠાને બહુ પાતળો કે બહુ જાડો નથી બનાવવાનો. તવાને ગેસ પર મૂકો અને આંચ વધુ કરો અને તવાને ગરમ થવા દો. જ્યારે તવા ગરમ થાય ત્યારે આંચને મીડિયમ કરો અને પરાઠાને તવા પર મૂકો.

 

પછી પરાઠાને નીચેની બાજુથી 30 થી 40 સેકન્ડ સુધી રાંધ્યા પછી, પરાઠાને ફેરવો અને હવે પરાઠાની ઉપરની બાજુએ તમારી ઇચ્છા અનુસાર થોડું તેલ કે પછી ઘી લગાવો, પરાઠાને ફેરવો અને તેને દબાવીને પકાવો. પરાઠા નીચેથી રંધાઈ જાય ત્યારે પરાઠાની ઉપરની બાજુએ પણ ઘી અથવા તેલ લગાવો, પરાઠાને ફેરવો અને તે જ રીતે સ્પેટુલા વડે રાંધો.

 

પરાઠા બંને બાજુથી રંધાઈ જાય પછી તેને પ્લેટમાં કાઢી લો અને તે જ રીતે બધા પરાઠામાં સ્ટફિંગ ભરીને રોલ કરીને શેકી લો. તમારા સ્વાદિષ્ટ ધાબા સ્ટાઈલ બટેટાના પરાઠા તૈયાર છે. તેને લીલી ચટણી અથવા ચા સાથે એની મજા લઈ શકો.